God se wapenrusting: Die gordel van waarheid…

Lees:

Efesiërs 6:14a (NLV): “Staan dus vas deur waarheid as ’n gordel om julle heupe te dra…

Doen:

Het jy geweet dat ons Vader God vir ons ‘n BAIE spesiale persent gegee het – dit is Sy wapenrusting! Daar is heelwat dele betrokke om ‘n wapenrusting aan te trek? Kan jy dink wat dit als behels? “Kom ek gee jou gou ‘n tip… dalk ‘n helmet, swaard, skuld…” Ek hoop jy sal saam met ons, gedurende die volgende paar maande deur ‘n reis stap om te ontdek wat elkeen van hierdie dele van die wapenrusting behels.

Hierdie maand gaan ons kyk na die GORDEL VAN WAARHEID.

Wat beteken waarheid? Wel, in Johannes 14:6 sê Jesus vir ons dat Hy ons enigste weg en ons bron van Waarheid is! Jesus is die Woord van God en dus ook waar ons hierdie Waarheid vind – in vriendskap met Jesus en in ons Bybels…

Dit beteken dat ons Hemelse Vader, Jesus en die Heilige Gees ons sal help om in die waarheid te lewe – om daardie gordel stuif om ons heupe te bind. Sodat, indien ons dalk teleurstelling of skuld beleef, ons sal onthou… deur die krag van Jesus, kan ons altyd eerlik en opreg optree.

Partykeer is dit baie moeilik om die waarheid te vertel, veral as ons ‘n groot fout gemaak het, maar ons Vader God is so trots op ons as ons Sy waarheid in ons lewens uitleef. Mag ons vandag kies om eerlik en opreg te wees in alles wat ons doen, sodat ons, ons Vader God se Koninkryk sal verheelik hier op aarde.

Bid:

Vader God, dankie dat U Woord ons kompas van waarheid is. Dankie dat Jesus ons deur waarheid vryspreek van enige ongeregtigheid of leuens wat ons glo. Help ons om eerlike en opregte lewens te leef, sodat ons U ligdraers kan wees. In Jesus se almagtige naam bid ons dit. Amen.

Subscribe to our Podcast Channel