Geseënde nuwe jaar!

Lees:

Numeri 6:24-26 (DB): “Die Here sal julle seën en julle oppas. Die Here sal met deernis na julle kyk en baie goed vir julle wees. Die Here sal julle gebede beantwoord en vir julle vrede gee”.

Doen:

Soos wat ons met opwinding die nuwe jaar ingaan, kom ons onthou:

Ons Vader God is in beheer van ons lewens en ons toekoms. Kom ons spandeer tyd saam met Jesus en vra vir Hom om ons te leer en te lei in 2019.

Kom ons lees ons Bybels en bid gereeld. Kom ons laat Jesus toe om ons te help, om Sy liefde en lig in ons hartjies te plant sodat ons elke dag gelukkig sal wees.

Bid:

Liewe Jesus, seën asseblief al my maatjies in 2019.
Pas ons asseblief op hierdie jaar. Wees elke dag, elke sekonde naby aan ons. Beantwoord asseblief ons gebede en oorlaai ons met U liefde, goedheid en vrede. Aan U al die lof, eer en dank.
Amen.

Subscribe to our Podcast Channel