Maak die beste gebruik van elke geleentheid…

Lees:

Efesiërs 5:15-17 (AFR83): “Maak die beste gebruik van elke geleentheid, want ons lewe in ‘n goddelose tyd. Moet daarom nie onverstandig optree nie, maar probeer te wete kom wat die Here wil dat julle moet doen”.

Doen:

Ons wêreld voel so bietjie onderstebo deesdae met Covid, onrus, onenigheid, onsekerheid, opstand, ekstreme weer, en die lys kan aangaan… Maar, ek het goeie nuus! Sy naam is Jesus en Hy het reeds, lank gelede, vir ons oorwinning gebring. As ons deur die bril van Jesus kyk – sal ons elke oomblik as ‘n kans sien om Sy wil en werk uit te leef!

So, kom ons onthou hierdie maand om:

Die beste gebruik te maak van elke geleentheid wat ons kry!
Goed te doen eerder as kwaad!
Te bid soos nog nooit van te vore nie!
Te fokus op Jesus, ons bron van lig!
Geluk en vrede te saai sodat genesing kan plaasvind!
Op te hou kla en te fokus op die mooi in ons lewens!
Ons Vader God te loof en prys, elke geleentheid wat ons kry!
God se wapenrusting aan te trek en te weet, met Hom aan ons kant, het ons reeds die geveg gewen!

Bid:

Vader God, dankie dat ons elke geleentheid kan aangryp om ‘n verskil te maak. Help ons om die geleentheid eerder as die probleem in alles te sien. Help ons om verstandige, positiewe, hoopvolle kinders van die Lig te wees. Dankie vir U wapenrusting en U krag in ons. Ons het U baie lief.
Amen.

Subscribe to our Podcast Channel